Ж.Энхбаяр УИХ-ыг тарахыг уриаллаа

УИХ-ын гишүүн Ж.Энхбаяр “Энэ Засгаа толгой дээрээ гаргасан УИХ тарж дахин сонгууль явуулсны дараа төмөр замын асуудлаа шийдэх нь улс оронд хэрэгтэй... УИХ-ын 3\2 нь гарын үсэг зурвал өөрөө тарна. Гарын үсэг цуглуулна даа” гэж жиргэлээ. Ийнхүү тэрээр УИХ-ыг тараахаар бичиг боловсруулж гишүүдийн гарын үсгийг цуглуулж эхлэх ажээ. Харин хуулийн дагуу УИХ-ын гишүүдийн 3\2 буюу 52 гишүүн гарын үсэг зурвал УИХ өөрөө тарна хэмээн өөрийн Twitter, Facebook дээрээ бичсэн байна.

Тэгвэл энэ хэмжээний гишүүн түүний санаачлагыг дэмжих үү?Тэртээ 2007 онд ИЗН-ын гишүүн С.Оюун, М.Зоригт нар УИХ-ыг хугацаанаас нь өмнө тараах санаачлага гаргаж хурлын танхимын үүдэнд бичгээ байршуулж байсан. Тэднийг ингэж шуугиан тарьж байхад “Дураараа нульдаг зантай, дал цээж өргөнтэй”  У.Хүрэлсүх л гарын үсэг зурж байсан юм. Харин энэ парламентаас Ж.Энхбаярын саналыг хэд нь дэмжих бол гэдэг нь л асуулт юм даа?

Манай сайт танд таалагдаж байвал LIKE & SHARE хийгээрэй. Танд баярлалаа.