Эрчим хүчний салбарын томоохон бүтээн байгуулалтууд ашиглалтанд орж эхэллээ

Нийслэлийн Хан-Уул дүүрэг болон хотын төв түүнчлэн зүүн хэсгийн зармыг  дулаанаар хангадаг “Дулааны 3-р цахилгаан станц”-ийн өргөтгөлийн ажил өнгөрсөн 7 хоногт дууссан байна.  2003 оны 4-р сард эхэлсэн энэхүүү бүтээн байгуулалтын ажлыг БНХУ-ын  “Hunan Industrial Equipment Installation”  ХХК хийж гүйцэтгэн, гэрээнд заасан  хугацаанд хүлээлгэн өгсөн нь энэ юм.    Энэ нь эрчим хүчний салбарт сүүлийн 25 жилд байгаагүй бүтээн байгуулалт болсон бөгөөд “Дулааны 3-р цахилгаан станц”-ийн хүчин чадлыг 50МВт-аар нэмэгдүүлэх тус өргөтгөлийг “Чингис” бондын 35 сая ам доллартай тэнцэх хэмжээний хөрөнгөөр барьж босгосон байна.  Засгийн газраас энэхүү өргөтгөлд зарцуулсан мөнгийг 6 жилийн дотор нөхөж, мөн үеэс ашгаа өгч эхлэнэ хэмээн тооцож байгаа аж.

Эрчим хүчний салбарын энэ жилийн бүтээн байгууллалтын ажил үүгээр тогтохгүй бөгөөд тэд ирэх 10-р сард “Дулааны 4-р цахилгаан станц” –ийн 123 МВт-ийн өргөтгөлийн ажлыг хүлээн авах юм. Мөн нийслэлийн зүүн бүсийг дулаанаар хангах “Амгалан” дулааны станцийн эхний хэсэг ч энэ онд багтаж буюу ирэх 11-р сард ашиглалтанд орох төлөвлөгөөтэй ажиллаж байгаа юм байна.